Musealágádus čielggada váldegottálaččat mearkkašahtti arkeologalaš čuozáhagaid
Musealágádus lea álggahan golmmajahkásaš fidnu, mas inventerejuvvojit ja geahčaduvvojit váldegottálaččat mearkkašahtti arkeologalaš čuozáhagat (VARK)(sámás: VAČ).
Fidnu áigge árvvoštallojuvvojit ja válljejuvvo earret Ålándda riikkamet arkeologalaš čuozáhagain válljašupmi, mii addá áiggálaččat ja guvllolaččat ollislaš gova dološáiggisteamet badjel 10 000 jagi áiggis.
Čuozáhagaid ulbmil lea duddjot nu máŋggabealálaš muitalusa go vejolaš dáppe eallán olbmuin ja servošiin sihke sin kultuvrras. Fidnu lea ulbmil gárvánit jagi 2012.
Váldegottálaš čuozáhagaid dorvvasteapmi
Váldegottálaš guovlluidgeavahanulbmilat gáibidit váldegottálaččat divrras kulturbirrasiid árvvuid dorvvasteami. Huksejuvvon birrasa ja duovdagiid báldii dárbbahuvvo áiggedási arkeologalaš árbevieru logahallan.
Čuozáhaga čáhkadeapmi VÁČ-inventeremii ii iešalddes earáhuhte dan ráfáiduhttima, daningo buot dološbázáhusaid ráfáiduhttet automáhtalaččat dološmuitoláhka. Čuozáhaga duohtadan- ja dutkanlobiid eavttut sáhttet leat eará čuozáhagaid čavgadeappot. Maiddái eanangeavahančovdosiidda sáhttet laktásit stuorit vuordámušat. Dološbázáhusaid dikšundoarjagiid mieđihettiin sáhttet VAČ-čuozáhagat viggojuvvot vuoruhuvvot.
Dárkkistusat eatnamiin geasset 2019
VAČ-inventerema vuođđun lea eanaš diehtu, mii lea Musealágádusa dološbázáhusregistaris. Dasa dahkkojuvvojit eatnandárkkistusat čuozáhagain, maid dieđut leat boarásnuvvan dehe eahpedárkkit. Eatnandárkkistusat dahkkojuvvojit geasset 2019 Suoma sierra guovlluin.
Musealágádus ollašuhttá čuozáhagaid inventerema ovttas museaid áššedovdiiguin, geat dikšot kulturbirrasa áššedovdibargguid, mielde lohkkon sámi musea Siida.
Fidnus oažžu lassidieđu mielčuovvu čuvvosis ja Musealágádusa fierbmesiidduin